8月31日 星期日

一直很想買一個小小書架放在我房間裡.

地方有限,要白色及價錢合理. 我又唔要高身,
所以一直都找不到合適的.
(因為我很喜歡躺在床上看天花頂,
我覺得高身櫃會影響房間的空間感.)

請容許我在此原地轉三個圈.
真係好靚, 好開心呀~ *o*
很久沒買到如此心頭好.

本來呢, 我都有心理準備可能買唔到.
因為呢個款實在太靚, 又上過雜誌, 加上而家 fl 又多人爭.
(想當年就算係靚款一, 兩個月都仲有貨, 唉)

自從知道你病倒了後, 一直心思思想幫你整飯盒.
平時你一定吃太多茶餐廳, 飲太多咖啡奶茶吧...死蠢! XD

曾幾何時, 你成日都叫我整飯盒, 當時的我時常籍口一大堆.
經歷一次又一次的大小問題, 發覺人生的無常.
你話我悲觀都好, 每一次我都很怕是最後一次.

至少, 起你的記憶裡, 完美地整過一次都好...

某種渠道下拿到了 dvd 回家看.
那隻肥藤藤的熊貓阿寶真的好可愛...特別是它戚起眉毛時.

8月11日 星期一

這段日子真係食壽司食到痴左...

差不多兩年無去食過羽壽司.
味道同價錢和以前差不多. 還是可以吃得過.

下面是吞拿魚, 章紅魚, 三文魚. 我們真的是三文魚愛好者...XD
(忘記了深紅色的那個是什麼)

8月9日 星期六

話說為 V 小姐慶祝生日. 這天她堅持要行街兼買衫.
忍著背疼的我由七點幾陪她行到九點幾 (其實接近十點).
本來想去食燕萍, V 小姐就話呢個時候, 去食峰壽司可能唔洗等.
(呢位小姐對峰壽司極為迷戀)

其實呢, 我從未食過峰壽司.
每次去到見到那群等位的人們, 對我來說真係會等到瘋顛...哈.
今次去到只有小貓三四個人等位, 不用 15 分鐘就有位啦.

一坐底就叫了 V 小姐推薦的北海道盛.
左起, 蔥花吞拿魚腩蓉, 三文魚魚籽, 海膽.
這裡的海膽不錯...抵讚!

8月5日 星期二

迪士力又一新力作, 不再講夢想與勇氣.
話題是關於現今地球面臨的環保問題及.
清清楚楚說出人與人之間的疏離.

今日心情超爛的走過家樓下的 OK,
本來是想買本雜誌舒緩一下心情.
無意中看到這本書, 被那句,
'跟可愛的豆腐一起放鬆心情好嗎?' 吸引住了.

豆腐的確好可愛啦, 我就帶你回家囉...

七月二十四日 星期四

差點忘了補上我姐生日那天去了 yamm.
之前睇'不眠皇宮'的 blog 睇到我流晒口水,
我同我家姐決定要去試一次.
不過記住預至少一至兩個星期訂位, 真的好多人!
當天還遇到 Connie, 我一眼就認到她,
因為她身穿的 fl 實在太吸引我了...哈哈...

聽聞'不眠皇宮'的網主起飲食男女到做,
大家找食的可以多個地方看看:
http://hk.myblog.yahoo.com/choro-q